【政治SOUND】史立德非一般潮人 教仔不打仔

新正頭,在香港潮屬社團總會舉行己亥新春團拜上遇到常務會董史立德 (Allen),身為潮州人嘅佢,話潮州人過年有好多風俗,好熱鬧,一家人團年開年好有氣氛。

史立德話爸爸係潮州人,但媽媽唔係,但都會一齊食潮州應節食品過年,一樣氣氛濃厚,無論係團年飯,定係開年飯,都一定全家人齊齊整整食潮州菜,所以每逢過年就大飽口福。

講到潮州文化,史立德即刻話潮州人最出名就是教仔好嚴。佢話細個時,如果一做錯事,爸爸就會即刻出手「教訓」,非常嚴厲,絕不留手。佢話明白爸爸都係想仔女成材,所以咁嚴,不過時代唔同啦,佢自己就唔會咁樣做,反而會循循善誘,同仔女都有商有量,所以同仔女好friend!

Category:

政治18, 政治SOUND