【政治SOUND】林琳出嫁 老公拖實甜到漏

荃灣區議員林琳今日在灣仔君悅酒店出嫁,政商界名人紛紛到賀,全國人大常委譚耀宗、民建聯主席李慧琼同好多民建聯黨友都到場祝賀,場面盛大。

林琳同老公Vincent一向恩愛,老公仲成日陪佢落區做野,為街坊服務。結婚前倒數兩日,林琳唔小心冷親病咗,都忙住提醒街坊小心保暖;另一邊廂,琳琳的結婚姐妹就幫佢搞左一個Bridal Shower,琳琳又驚又喜,仲大讚覺得自己啲姐妹唔錯,個個都好熱情咁祝賀佢結婚,更有姐妹特登由澳洲趕過來香港,令佢好感動。

今日林琳大婚,由立法會議員張國鈞做證婚人,老公全程拖實,林琳對老公講結婚宣言一刻,仲感動流淚;佢昨日仲特意在家中安床,希望佢做咗陳太之後,快啲生個肥肥白白嘅BB啦!

Category:

政治18, 政治SOUND