【政治SOUND】鍾國斌埃及度假 田北俊赴美做手術

踏入年初七人日,人人生日,自由黨就率先切蛋糕慶祝,並祝願香港市民生日快樂。在農曆新年假期,自由黨黨魁鍾國斌就去了埃及旅行,榮譽主席田北俊也同樣到美國外遊,但是他不是去旅行,而是因傷患要到美國做手術,慶幸手術後已無大礙。

鍾國斌(Felix)剛剛旅行回港去了埃及9日,佢話除咗睇金字塔外,仲有好多古廟睇。個個都有四五千年歷史。Felix好奇怪點解古代埃及無現代咁多重型機械都可以建到金字塔?佢仲講笑話可能係外星人建成的。佢今次玩得好開心,仲話埃及呢個國家有機會必定要去,因為可以去啲名勝古蹟尋幽探秘,但一次就夠,因為當地的建築幾千年都不會改變。

田北俊個多月前打網球拉斷肩膊韌帶,早前去了美國三藩市做微創手術,佢話現在退休了,有時間,所以就選擇去美國做手術,又可以趁機休養。佢大讚當地醫療先進,專科分得很細,單就接駁韌帶來說,已經有不同醫生分別負責膊頭韌帶、膝蓋韌帶、腳踝韌帶等,分門別類,十分專業。佢話香港的醫療科技也十分先進,盡快解決醫護人手不足的問題就更好。

466E5B71-CE91-4715-83E8-C24C0323AC5B
鍾國斌到埃及旅行,更走進金字塔內參觀皇陵。

Category:

政治SOUND