【政治SOUND】女兒喜懷龍鳳胎 馬時亨開心笑唔停

港鐵主席馬時亨的長女劉馬露明(Christine)與醫生丈夫劉仲恒前年六月誕下兒子,最近又有好消息,證實懷有龍鳳胎四個月。爸爸馬時亨知道之後,開心到笑唔停口,又大讚女婿經常做善事,幫助病童好有愛心。

 

Christine有咗四個月,仍然幫老公周圍去舉辦籌款活動,有時仲帶埋仔仔一齊支持老公。Christine大讚老公有愛心,為咗病童籌款不遺餘力;雖然老公工作繁忙,公職又多,但時間分配得很好,一有時間就陪住佢同仔仔,所以就算陀住龍鳳胎都唔覺得辛苦。

 

問到Christine,爸爸馬時亨知道又抱孫,有咩反應?佢話爸爸開心到不得了,經常探望佢哋,又幫手照顧仔仔。問到劉氏夫婦會唔會再追第四或者第五個小朋友,Christine 話老公經常幫助病童達成願望,好鍾意小朋友,佢哋一定會繼續再努力,睇嚟馬時亨湊孫都湊到手軟啦!

Category:

政治18, 政治SOUND