由中華廠商會行政總裁楊立門主持的HKBC Media 「Raymond會客室」專訪,首集請來重量級嘉賓:特首辦主任陳國基,二人大談音樂和工作,陳國基更史無前例揸住結他露兩手,兩人聊得不亦樂乎。

楊立門戲言「人哋話男仔學彈結他,不外乎追女仔一個目的」,陳國基就笑稱自己唔係為追女仔,而係真心鍾意彈結他。陳國基笑指,自己年輕時酷愛音樂,但當時沒有「卡啦OK」,若想唱歌,又不想清唱,就惟有學一門樂器。當時他與一眾志同道合的同學夾band,擔任結他手。

陳國基說,他曾經教人彈結他,但很少教女仔,因為彈結他時,需要用手指大力壓住琴弦,「好多女仔(手指)忍唔到痛,又唔想剪短指甲,相反男仔就容易上手好多。」陳國基透露自己雖然彈結他多年,但從未試過公開自彈自唱表演。不過如果為慈善而表演,就可能會考慮一下。看來慈善機構可以請他做神秘嘉賓,觀眾一定聽出耳油。

Category:

Raymond會客室