【政治SOUND】何倍倩駐顏有術 綠茶運動抗氧化

「恒生新抱」何倍倩(Anina)近年主力做投資生意,仲要修讀第二個碩士課程,現時每兩個月要飛去波士頓上堂兩星期,有測驗又有考試,功課又多,又要照顧三個仔女,可謂貴人事忙,但佢仍然keep到又靚又fit,到底有咩秘訣呢?

Anina天生麗質,曾經創立護膚品牌,當然駐顏有術,其中一個秘訣就係飲綠茶:「我好鍾意日本文化,亦鍾意食日本食物,我每日都會飲一小杯綠茶,可以抗氧化,皮膚仲會好有光澤。」不過她提醒女士,綠茶飲得太多會寒涼,所以一小杯就足夠。另外每日都要瞓足八個鐘,不要熬夜;同時飲食要清淡,多食海鮮和蔬果,佢話好多女仔為了減肥不吃澱粉質,其實不太正確,飯一定要食,只需要減少零食就得。

Anina每日返工前都會抽半個鐘跑步和拉筋,佢話可以令整個人都精神奕奕,身體也會更強壯。不過運動不要過量,太大量的運動容易造成膠原蛋白流失,太瘦又不好看。不過Anina有一個喜好,就是好鍾意飲可樂,佢話可樂有咖啡因可以提神,不過貪靚的女士們就唔好學啦,可樂含糖量好高,唔係個個好似Anina咁食極唔肥嘛!

Category:

政治18